Die volk van God - Identiteit en geslagslyne (4)(LES 5)

VIR DIE VORIGE LESSE OOR HIERDIE ONDERWERP, GAAN NA: 

- Inleiding: https://sondagskooltuis.blogspot.com/2020/02/die-volk-van-god-identiteit-geslagslyne_25.html

- (1) les 1 en 2: https://sondagskooltuis.blogspot.com/2020/03/die-volk-van-god-identiteitgeslagslyne.html

- (2) les 3: https://sondagskooltuis.blogspot.com/2020/06/die-volk-van-god-identiteit-geslagslyne.html

- (3) les 4: https://sondagskooltuis.blogspot.com/2020/06/die-volk-van-god-identiteit-geslagslyne.html.

- Eersgeborenes/eerstelinge: https://sondagskooltuis.blogspot.com/2021/05/eerstelinge-deel-vd-boekie-volk-van.html

- Eersgeborenes/eerstelinge: https://sondagskooltuis.blogspot.com/2015/10/eersgeborenespriesters-deel-van-boekie.html

---------------------------------------------------------------------------------------------------------------------------------------------------------

Vir die onderwyser:  Waaroor gaan hierdie les?:

Nie almal wat aan die Christelike kerk behoort is burgers vd Koninkryk nie. 'n Reisiger en 'n immigrant is bv. anders as 'n burger van 'n land...  Op ditto wyse is kinders vd koninkryk ook nie almal dieselfde nie, want sommige is soos reisigers wat die kerk besoek, en sommige soos immigrante wat graag burgerskap wil he maar dit nog nie ontvang het nie.

----------------------------------------------------------------------------------------------------------------------------Bespreek in die groep:

-  VRAAG:  In 'n land is daar reisigers, immigrante, en burgers.  Hoe sou jy die verskil tussen hulle beskryf? Hoeveel weet elk van daardie volk se waardes, feeste en kosse? Hoe ontvanklik is hy vir die volk se wette, reels en waardes?... Watter voordele verkry elk terwyl hulle in die land is, bv. 'n reisiger, of  'n immigrant, of die een wat burgerskap het - hoe verskil elkeen se voordele? 

'n Reisiger is iemand wat 'n land besoek (woon nie in die land nie, maar is net vir 'n kort rukkie daar). 

'n Emmigrant gaan woon in 'n land wat nie sy eie geboorteland is nie (hy's dan 'n immigrant van daardie land, maar het nie burgerskap nie).

'n Burger woon in sy geboorteland, of het burgerskap gekry... (asof dit sy geboorteland is).

Op ditto wyse is nie almal in die Christelike kerk BURGERS van die Koninkryk van God nie.  Sommige is reisigers (en net besoekers in die kerk), en ander is immigrante... Bv., Kinders wat opgroei in die Christelike kerk (maw, kinders van Christelike ouers) word hanteer soos burgers omdat hulle die volk se besonderse kultuur en waardes leer ken en in die seeninge deel, maar hulle is eintlik soos immigrante - hulle word baie dieselfde hanteer as burgers, maar hulle het nog nie burgerskap nie.  Burgerskap in die Koninkryk van God word op 'n baie spesifieke manier ontvang. Kinders wat opgroei in die Christelike kerk het nie outomaties burgerskap in die Koninkryk van God nie, maar is wel soos immigrante wat soortvan deel is vd volk solank hulle in hulle ouers se huis is. Uiteindelik moet elkeen self 'n burger word! Om " 'n kind van 'n volk " te wees, moes jy gebore word onder daardie volk, en al is jy jou ouers se kind beteken dit nie dat jy outomaties ook 'n kind van die Koninkryk is nie.  Jy word soos 'n immigrant hanteer (en leef, leer, werk, ontvang, ens. saam met God se volk), maar het burgerskap nodig om al die voordele te geniet en saam met die volk te erf. Kortom, as jy nie burgerskap het in die Koninkryk van God nie, dan sal jy nie soos hulle eendag redding ontvang en erf nie...

Immigrante moet gewoonlik 'n metode volg tot burgerskap. Kinders wat Christelike ouers het deel wel in dieselfde seeninge (van Christene) omdat hulle ouers Christene is (soos immigrante deel in die seeninge van 'n land waarin hulle woon), maar na regte kan hulle nooit deel word van die volk van God as hulle nie die kultuur en waardes AANNEEM nie (m.a.w., hulle moet hulle bekeer tot daardie volk se kultuur en waardes en reels - amper soos 'n immigrant moet doen), en daar is 'n bepaalde manier wat die Here geskep het waarop hierdie aanneming plaasvind. Jy moet bv. "trou sweer" aan Jesus Christus!, afwassing van sondes ontvang, en die Heilige Gees ontvang (m.a.w., moet weergebore word) 

(in die volgende paragraaf is 'n beter uiteensetting hiervan, en kan ook eers bespreek word ...). 

------------------------------------------------------------------------------------------------------------------------------------------------------

- VRAAG: Is dit moontlik vir iemand om deel te word van 'n familie of volk of land, al is hy nie in daardie familie, volk of land gebore nie? En hoe verkry hy kindskap of burgerskap?M.a.w., wat moet iemand doen om burgerskap te kry? Wat presies beteken burgerskap?  

Om kindskap of burgerskap te verkry kan vgl. word met bekering en wedergeboorte.  Al is iemand nie gebore in 'n spesiefieke familie of volk nie, is dit wel moontlik om aangeneem te word as 'n kind of burgerskap te verkry, maar hierdie "aanneming tot kind" of "om burgerskap te verkry" het bepaalde voorwaardes.  Die wat burgerskap soek in 'n land wat nie hulle geboorteland is nie, soek 'n tipe wedergeboorte, m.a.w. al is hy nie gebore in daardie land nie, soek hy burgerskap asof hy gebore is in daardie land!, want "burgerskap" is bedoel vir die wat gebore is in die land. .. 

As jy nie gebore word in 'n volk of land nie, dan is jy maw nie 'n burger van daardie land nie, maar burgerskap kan op 'n ander manier verkry word (asof jy gebore is in daardie land), maar voor so iemand dan burgerskap kan ontvang, moet hy hom eers bekeer tot daardie land se wette. Bv. niemand kan burgerskap ontvang as hy nie 'n belofte afle dat hy homself sal ondergeskik stel aan daardie land se reels en wette nie. Hy soek dus "wedergeboorte" (burgerskap), maar voor hy dit kan ontvang, moet hy hom eers "bekeer" tot daardie land en wette. Dieselfde geld vir "aanneming tot kinders" (in die Koninkryk van God). Wanneer 'n paartjie 'n kind aanneem wat nie hulle eie kind is nie, verwag hulle ten minste dat daardie kind hom of haarself ondergeskik stel aan hulle gesag en hulle huis se wette gehoorsaam (want dan bewys hy dat hy 'n kind is van daardie huis).  Hulle verwag dus 'n tipe van "bekering" tot hulle huishouding voor "aanneming tot kind" werklik gebeur. As die kind steeds nie wil inskakel by die familie nie, sal hy nooit werklik 'n kin wees nie!  Hierdie is baiemaal die probleem vir pleegouers..., wanneer 'n kind in hulle huis inkom asof hulle "kind" maar die kind wil hom nie ondergeskik stel aan hulle gesag nie, of gehoorsaam nie hulle huis se wette nie. Vir "aanneming tot kind" is daar dus bepaalde voorwaardes, waarvan vrees (vir die ouers) verwag word, asook geregtigheid (dat die kind die ouers gehoorsaam). God is ook nie 'n aannemer vd persoon nie, maar in elke nasie is die een wat Hom vrees en geregtigheid doen, vir Hom welgevallig! (Hand. 10:35). Dit beteken dat "bekering" nodig is om aangeneem te word as 'n kind, m.a.w. dit is slegs die wat die Here vrees en Sy geregtigheid soek/doen, wat wederbaar kan word... Op dieselfde wyse kan niemand burgerskap in 'n land ontvang as hy hom nie onderskik stel aan daardie land om daardie outoriteit te vrees en die wette te gehoorsaam nie - "bekering" tot daardie land is dus eerste nodig - en dan is dit moontlik vir iemand om burgerskap ("wedergeboorte") te verkry. Deur "bekering" plaas hy m.a.w. sy "geloof" in daardie land, en dan is wederbaring moontlik... Die volgende stap om burgerskap te kry is wedergeboorte (hy word 'n burger van daardie land asof daar gebore). Op dieselfde wyse word iemand 'n kind van die Koninkryk van God deur wedergeboorte (asof hy "oor gebore" word). Elke land het spesifieke reels op hoe iemand 'n burger kan word;  op dieselfde wyse vind weergeboorte op 'n baie spesifieke manier plaas, nl. die manier wat God sê dit moet wees - nl. deur WATER en GEES...(vir die onderwyser vir 'n studie oor weergeboorte, gaan na: https://warechristene.blogspot.com/2014/02/weer-gebore-wedergeboorte-wedergebore.html ).

Die Christelike doop is 'n TEKEN van hierdie gebeurtenisse, nl. bekering en wedergeboorte.  Bv., dit simboliseer o.a. "dood en opstanding", soos iemand wat 'n burgerskap afle en 'n ander opneem/aanneem...
------------------------------------------------------------------------------------------------------------------------------------------------------

Die gelowige 'n boom - interessante vrae vir lekker gesels (bybelstudie 12 jaar tot volwassenes)

Hierdie is deel van die boekie "die gelowige 'n boom" (bedoel vir bybelstudie 12 jaar tot volwassenes).

Vir die vorige lesse in hierdie reeks, gaan na:

- https://sondagskooltuis.blogspot.com/2014/07/a4-muurkaart-vertikaal-die-gelowige.html

- https://sondagskooltuis.blogspot.com/2024/07/die-gelowige-n-boom-2.html

- https://sondagskooltuis.blogspot.com/2024/07/die-gelowige-n-boom-3-wat-se-soort-boom.html

------------------------------------------------------------------------------------------------------------------------------

LES 1:

(hierdie les is opgestel met 'n klomp vrae vir lekker gesels) (let op die links waarop geklik kan word vir verderde studie vir die leier...)

(1) Vraag vir bespreking:  Alle mense is soos saad wat in die wereld geplant word, en (soos 'n boom) groei en dra vrug... Maar vir wie dra ons hierdie vrugte? want die waarheid is dat ons doodgaan!;  m.a.w. almal dra eintlik VRUGTE VIR DIE DOOD... (Rom. 7:5) - asof hulle lewe tot niks kom. Hoekom is dit die geval? - hoekom gaan alle mense dood? - m.a.w., hoekom dra die natuurlike mens vrugte vir die dood? Antwoord: Alle mense word "in sonde" gebore (Ps. 51:7), want hulle is kinders van Adam...  Adam was 'n slaaf (van sonde)(2 Pet. 2:19; Joh. 8:34), en noodwendig sal sy kinders ook as slawe gebore word. Dit is hoe dit in die lewe werk - as jou ouers slawe is word jy noodwendig ook as 'n slaaf gebore. M.a.w., almal uit Adam gebore, is (net soos hy) slawe (slawe van sonde)...., en as jy 'n slaaf is van sonde is jou uiteinde die dood (God het vir Adam gewaarsku dat as hulle vd boom van goed en kwaad eet, hulle sal doodgaan - dit is hoe Adam 'n slaaf geword het van sonde, en waarvan die uiteinde is die dood). Die loon vd sonde is die dood - as jy die sonde dien dan sal jy doodgaan. In daardie opsig kan die dood gesien word as die mens se groot vyand (1 Kor. 15:15,17). 

(2) Vraag vir bespreking:  Hoe sou jy slaafskap beskryf?  Wat beteken dit om 'n slaaf te wees? En hoe beinvloed hierdie antwoord die feit dat die mens gebore word as slawe van sonde?  Antwoord:  Hierdie tema gaan veral oor 2 dinge, nl. slaafskap en vrug: - (1) Wie dit is wat gedien word?; - wie is dit van wie jy 'n slaaf is?; vir wie dien jy?; aan wie behoort jy? (1 Kor. 7:22; 2 Pet. 2:19) - wie is die slaaf se meester?. (2) Gehoorsaamheid - wie jy gehoorsaam is 'n bewys van wie dit is vir wie jy dien... (Matt. 7:17-20).'n Slaaf het 'n meester vir wie hy dien/gehoorsaam. Die natuurlike mens DIEN die sonde / is gehoorsaam aan die sonde (en het daarom vrymaking van hierdie slaafskap nodig!;  m.a.w., die "liggaam van sonde" moet tot niet gemaak word sodat ons nie meer die sonde dien nie... - Rom 6:6). Natuurlike mense is dus "slawe van die verdorwenheid" - word almal gebore as "slawe onder sonde", wat dus beteken hulle is "diensknegte van sonde" (Joh. 8:34; Ps. 51:7; Rom. 6:12,13);  maar geestelike mense (die wat vrygekoop is) is slawe van die meester deur wie hulle losgekoop is, m.a.w. "slawe van Christus"!- hulle behoort nou aan Hom, en hulle dien Hom (1 Kor. 3:23; Rom. 14:8; 1 Kor. 7:22). Selfs die vrygekoopte se liggaam behoort aan Christus (Kol. 2:17)(1 Kor. 6:19,20 - "Of weet julle nie dat julle liggaam ‘n tempel is van die Heilige Gees wat in julle is, wat julle van God het, en dat julle nie aan julself behoort nie? Want julle is duur gekoop. Verheerlik God dan in julle liggaam en in julle gees wat aan God behoort"). Wat dit beteken is dat geestelike mense dien/is gehoorsaam aan die Here (nie aan die sondige natuur nie). Dit is wat dit beteken om vrygekoop te wees - dit gaan oor wie jy gehoorsaam en na wie jy luister. 

(3) Vraag vir bespreking:  Gaan alle mense dood?  Antwoord? Ja, alle mense gaan dood, maar ons moet verstaan dat die term "dood" nie net verwys na wanneer die uiterlike mens sterwe nie, maar ook verwys na die "tweede dood".  Die mens bestaan uit 'n uiterlike mens (word ook na verwys as "die liggaam") en 'n innerlike mens (word ook na verwys as "siel", somtyds "gees vd mens");  m.a.w., wanneer iemand doodgaan is dit die uiterlike mens wat sterwe (nie jou innerlike nie).  Daar is ook 'n tweede dood wat op die mens wag sou hy nie redding kry nie, en dit is wanneer beide die liggaam (uiterlike mens) en siel (innerlike mens) in die poel van vuur verwoes word (ook genoem, "die oordeel vd hel"). Die mens is dus nie net vir oordeel bestem nie, maar vir die ewige oordeel (tweede dood), en het dus redding nodig! (redding nodig van hierdie toorn)(1 Thess. 5:9) / Die begrip saligheid verwys nie net na saligheid van die siel nie, maar ook na saligheid van die liggaam - sien die belangrikheid vd komende opstanding (saligheid vd siel - 1 Pet. 1:9; 3:21; Hebr. 10:22)(saligheid vd liggaam - Hebr. 9:13; 10:22).

(4) Vraag vir bespreking: Die mensdom kan ingedeel word in natuurlike mense en geestelike mense. Wat is die verskil tussen "natuurlike mense" en "geestelike mense"?  (lees Jud. 1:10; 1 Kor. 2:14,15; 1 Kor. 3:1).  Antwoord:  Almal word as natuurlike mense gebore;  m.a.w. is kinders van Adam en word in sonde gebore (en het dus redding nodig) - natuurlike mense is "vleeslik" / "sinnelik"... (Jud. 1:19; 1 Kor. 2:14; Spr. 12:10; 1 Kor. 3; Job 25:4).  Die begrip geestelike mense verwys weer na die mense wat redding verkry het - hulle is vrygekoop van hulle slaafskap (onder sonde) en word nou gesien soos mense "wat uit God gebore is" (1 Joh. 5:1)(wat veral verwys na hulle innerlike mens wat vernuwe is en dus alreeds vrug kan dra TOT LEWE, en dus die belofte het dat hulle nie deur die tweede dood sal gaan nie.  Hulle uiterlike mens is nog nie vernuwe nie! - daarom gaan die liggaam steeds dood.., maar hulle het die belofte dat hulle uiterlike ook vernuwe sal word in die opstanding wanneer Jesus terugkom - hulle sal opstaan "tot lewe"!) - hulle word gesien soos mense wat "weer gebore" is (al verwys dit huidiglik meer na die innerlike, nog nie die uiterlike nie). Weergebore mense se sonde is vergewe en hulle het die Heilige Gees ontvang - hierdie is die groot verskil tussen natuurlike mense en geestelike mense. , en dit beinvloed natuurlik die manier hoe hulle "sien en dink". Natuurlike mense het nie die Gees nie en dink en sien dus soos die wereld;  geestelike mense het die Gees (van God) en dink en sien dus anders! (sien soos die Here/glo in Hom, Sy woorde - het wysheid van bo). Geestelike mense word o.a. gesien as met 'n "goddelike natuur", en gesien soos die familie van Jesus Christus (hulle is van Sy been)(2 Pet. 1:4; Joh. 3:5,9; 1 Joh. 4:7; 5:4). Geestelike mense dra dus VRUGTE TOT LEWE (dra vrugte vir die Here - Hy gee vir hulle die lewe/Rom. 7:4), want hulle is LOSGEKOOP van hulle slaafskap (onder sonde)(1 Kor. 7:23; Gal 5:1; Rom. 6:17,18);  terwyl natuurlike mense nie instaat is om hierdie soort vrug (tot lewe) te dra nie (Rom. 6:21-23)(die natuurlike mens kan nie deur goeie werk hierdie soort vrug dra wat vir hulle die ewige lewe gee nie - niemand kan dit deur werke ontvang nie, want (1) sy sondes is nog nie afgewas nie en hy is dus oppad na die dood,  en (2) hy is steeds 'n slaaf van sonde. Iemand moet dus skoonkom en gehoorsaam word aan die Here..., en dus aan Sy Gees, voor hy kan vrug tot lewe dra). Daarom is GEHOORSAAMHEID belangrik!, want dit wys wie dit is vir wie jy dien. Geestelike mense luister na die Here, luister na die Heilige Gees. Geestelike mense verkry 'n goddellike natuur (2 Pet. 1:4; 1 Joh. 3:9) - hulle is vry van die vorige natuur en dink nie meer vleeslik nie, maar beoordeel dinge op 'n geestelike manier (hulle "dink en sien" anders). 

-----------------------------------------------------------------------------------------------------------------------------

Die gelowige 'n boom (3) - Wat se soort boom is jy? (12 jaar tot volwassenes)

Vir die vorige poste in hierdie reeks, gaan na:

- https://sondagskooltuis.blogspot.com/2014/07/a4-muurkaart-vertikaal-die-gelowige.html

- https://sondagskooltuis.blogspot.com/2024/07/die-gelowige-n-boom-2.html (vrug)

-----------------------------------------------------------------------------------------------------------------------------

LES 1: 

(Wat se soort boom is jy?;  m.a.w., wat se soort vrug dra jy?)

Vraag vir bespreking:  Kinders van die Koninkryk word somtyds voorgestel soos saad wat in die wêreld gesaai word, om te groei en vrug te dra...  In ander woorde, ons kan gelowiges miskien voorstel soos "bome" (Matt. 3:10; 13:6,21; 4:6,17; Luk. 3:9; ens.)(of word somtyds voorgestel soos visse). Nie almal in die koninkryk van God is goeie bome (visse) nie... LEES DIE VERHAAL IN Matt. 13:47-50. Wat ons in hierdie gedeelte leer is dat, wanneer Jesus Christus terugkom, gaan die goeies van die slegtes geskei word... (die regverdiges sal van die onregverdiges geskei word). Maar hoe weet ek of ek 'n goeie boom (vis) is, of 'n slegte?

Antwoord: BOME WORD AAN HULLE VRUGTE GEKEN.  (Luk 6:43-46 - "Want dit is nie ‘n goeie boom wat slegte vrugte dra nie, en ook nie ‘n slegte boom wat goeie vrugte dra nie. Want elke boom word geken aan sy eie vrugte. Van dorings pluk ‘n mens tog nie vye nie, en ‘n mens sny ook nie druiwe van ‘n doringbos nie. Die goeie mens bring uit die goeie skat van sy hart te voorskyn wat goed is; en die slegte mens bring uit die slegte skat van sy hart te voorskyn wat sleg is; want uit die oorvloed van die hart spreek sy mond. En wat noem julle My: Here, Here! en doen nie wat Ek sê nie?"). Iemand se vrug wys wat se soort boom hy/sy is - 'n lemoen wys bv. dat dit 'n lemoenboom is, maar die lemoene van 'n lemoenboom vertel ook vir ons of 'n boom gesond is of nie, en of daardie boom genoeg kos, water en lig kry.  WAT SE SOORT BOOM IS JY?  'n Doringbos kan bv. nie goeie vrugte (bv. vye of druiwe) dra nie... Op dieselfde wyse is geestelike mense veronderstel om goeie vrugte te dra (want hulle "grond" is vernuwe, en hulle word nou gesien asof gebore uit God se saad - hulle is weergebore, en is nie meer die bome wat hulle was nie - hulle is nie meer "natuurlike mense" nie, maar is nou "geestelike mense");  maar die waarheid is dat nie alle kinders van die Koninkryk weergebore is nie (Matt. 22:1-14), en sommige wat weergebore is bly nie in die Here nie! "Vrug" wys nie net (1) wat se soort boom (bv. geestelike of natuurlike mens) jy is nie, maar wys ook (2) hoe gesond jy (as 'n boom) is... Sommige weergeborenes lyk nie so goed nie, maar dit is nie noodwendig omdat hulle slegte vrug dra nie, maar kan wees omdat hulle vrug verloor of sonder vrug is (of is bv. besig om onder die dorings te saai...).

In plaas van om te vra of iemand goeie of slegte vrug dra, kan ons vra hoe iemand se hart lyk? - hoe dink en "sien" hy, want die manier hoe iemand dink en sien wys vir ons hoe sy hart lyk - wys hoe "gesond" hy geestelik is, en of hy die regte soort kos en water (nl. woord, waarheid, in die Here bly, ens.) kry, en of hy lig kry (nl. is in die Gees). DIE HART beinvloed hoe iemand optree (praat, doen, ens.).  Dit is wat Jesus vir ons in bg. skrifgedeelte leer. 

'n Weergeborene se vrug wys wat in sy hart aangaan, en of hy gesond is of nie.

Vrug is die loon vd hart... (is soos 'n prentjie van wat jou hart is).

------------------------------------------------------------------------------------------------------------------------------

Die volgende paragraaf is bedoel vir ekstra inligting (vir groepbespreking, skrifte naslaan, ens.).

------------------------------------------------------------------------------------------------------------------------------

Wat se soort vrug dra jy? ;  m.a.w., wat se soort boom is jy (hoe lyk jou hart)?

(1) Goeie boom/'n goeie boom dra goeie vrugte: (Matt. 7:17).  Waarna verwys goeie vrug?  -(gedrag en woorde is soos dit wat by die bekering pas-Matt. 3:8)(verwys na die wat in die Here bly-Mark. 4:22)(het 'n goeie hart-Luk. 6:45)(die wat "wysheid van bo" het-Jak. 3:17). Weergeborenes word o.a. in die Skrif vgl. met KORING..., bv. waar dit in konteks spesifiek verwys na "geestelike mense".  Die begrip "goeie boom" kan ook gebruik word vir geestelike mense, maar neem kennis dat nie alle geestelike mense goeie bome is nie! Is jy 'n goeie boom?;  m.a.w., tree jy op soos 'n bekeerde?  Praat jy soos 'n bekeerde?  Bly jy in die Here? Wys jou doen en late, en hoe jy praat, dat jy 'n goeie hart het?  Het jy wysheid van bo;  m.a.w., glo jy liewer in die Here se woorde as in die wereld se woorde?, en is dit jou begeerte om die Here se wil te doen?, en laat jy jou deur Hom lei (is Hy die Een vir wie jy raadpleeg)?

(Joh 15:2)  Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra.

------------------------------------------------------------------------------------------------------------------------------

(2) Slegte boom/'n slegte boom dra slegte vrugte: (Matt. 7:17).  WAARNA VERWYS SLEGTE VRUGTE? "Slegte vrug " is 'n teken dat die boom NIE GOED is NIE (Luk. 6:43-46),  en word gewoonlik in die Skrif in konteks gebruik met VALSES (bv. valse profete)(kyk ook valse broeders en valse leermeesters)(Matt. 7:15-20). "Slegte vrug" is m.a.w. 'n term wat meer in hierdie konteks gebruik word - nie alle vrug is bruikbaar nie, maar ook nie alle dele van 'n vrug nie... Slegte vrug verwys dus gewoonlik na valses, maar as net dele vd vrug sleg is, verwys dit na die wat vrug verloor... - die wat onder die dorings saai (wat self somtyds ander beinvloed om dit ook te doen)(slegte vrug word gewoonlik weggegooi, of dele daarvan word uitgesny). So 'n boom word gewoonlik gesien as "siek" - siekte in beeldspraak verwys gewoonlik na gelowiges wat in sonde of ongeregtigheid stap. In uiterste gevalle kan "siekte" selfs die dood van 'n boom veroorsaak! ("siekte" word gewoonlik in beeldspraak vgl. met sonde;  dus "sonde tot die dood").  

- Wat sal gebeur met valses? - kyk o.a. in op die temas van "valse profete", "onkruid", en "ingesluiptes". 

- Wat sal gebeur met die waarvan slegs dele vd vrug sleg is? - kyk o.a. in op die temas van "siek" (kyk ook die onderwerp "harte verhard")(https://warechristenedagstukkies.blogspot.com/2020/05/hoe-siekte-vrug-affekteer.html), en "sonde tot die dood".  

Slegte vrug is die teenoorgestelde van goeie vrug;  maw, die persoon met slegte vrug dra nie die vrugte wat by die bekering pas nie...;  hulle soek nie die wil van die Here nie of raadpleeg Hom nie...;  hulle ken Hom nie...  - hulle doen en late en die manier hoe hulle praat is nie die woorde van die Here nie maar is volgens eie wil, ens.

   

Is jy 'n slegte boom/Doringbos/Vervloekte?  Is jy vals? (gee jy voor dat jy koring is, maar jy is nie?).  Gee jy voor dat jy die Here se wil doen, maar jy doen nie?  Gee jy voor dat jy van die Here hoor, maar jy doen nie?  Gee jy voor dat jy die Here se woorde glo, maar jy glo eintlik in wereldse wysheid? Doen en praat jy soos die Here wil, of soos jy wil? 

Is jy 'n siek boom? Stap jy in sonde of ongeregtigheid waarvan jy jou nie bekeer nie? Stap jy in sonde tot die dood?  Is jou hart verhard teen die waarheid of die Here se opdragte?

------------------------------------------------------------------------------------------------------------------------------

(3) Boom wat se vrug verstik is.  Hierdie "bome" is ook in die vorige paragraaf kortliks aangeraak. Hulle het nie noodwendig slegte vrug nie, maar dele van die vrug kan sleg wees. Hulle verwys NIE na ongereddes (soos onkruid of ingesluiptes) nie, maar na geredde mense wat begin vrug dra maar dit verloor a.g.v. dorings in hulle lewens. Wanneer 'n kind van die Koninkryk sy vrug verloor, beteken dit dat sy vrug verstik is deur dorings... - dit wys m.a.w. dat hy "onder die dorings gesaai" het. Jesus het veral hierna verwys in die gelykenis van die saaier, die 3de groep daar beskrywe (is onvrugbaar of dra geen ryp vrug nie omdat die dorings die vrug of woord verstik het-Matt. 4:7; Mark. 4:19; Luk. 8:14); en Hy verduidelik ook waarna hierdie "dorings" verwys... / - DORINGS verwys na "sorge van hierdie wêreld", "verleiding van die rykdom", en "begeerlikhede in verband met die ander dinge/genietinge vd lewe"-Mark. 4:19/Luk 21:34)(die wat geen vrug dra, of geen ryp vrug nie, kan dus o.a. verwys na mense wat verstik word deur die sorge en rykdom en genietinge van die lewe). 

Die boom wie se vrug verstik is, verwys na 'n LUI EN VERSTANDELOSE GELOWIGE (die wat nie ag gee op die pad van godsaligheid nie):(Spr. 24:30,31 - "Ek het by die land van ‘n lui man verbygeloop en langs die wingerd van ‘n verstandelose mens, en kyk, dit was heeltemal toegegroei van die dorings, sy oppervlakte was oordek met brandnekels en sy klipmuur omgegooi").

- GROND IS NIE OMGESPIT NIE / BRAAKLAND NIE GEBRAAK NIE  - die wat nie hulle harte besny nie. Waar grond nie omgespit word nie, kom dorings en distels op, en verstik die saad/vrug.

- DIE GELOWIGE WAT NIE PLOEG EN SAAI NIE. As die gelowige nie sy eie hart besny nie (maw die grond omspit en mis gooi / ploeg en saai nie), sal daar niks wees in die oestyd nie )(wat jy saai sal jy maai).

- DIE GELOWIGE WAT ONDER DIE DORINGS SAAI (en die dorings, nl. sorge vd wêreld, verleiding vd rykdom, begeerlikhede i.v.m. ander dinge en genietinge vd lewe..., verstik die vrug).

Is jy 'n boom wat onder die dorings saai?  Begeer jy weredse rykdom eerder as om ryk te word in die Here? Soek jy die genietinge van die lewe eerder as die pad van godsaligheid?  Is jou begeertes teenstrydig met die wil van die Here? Is jy meer besig met die sorge van die lewe as met die Here?, bv. plaas jy jou hoop in die Here of in die wereld? Laat jy na om jou hart te besny?

(Joh 15:2)  Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra.

-----------------------------------------------------------------------------------------------------------------------------------------------------------

(4) Vrugtelose boom: Dra geen vrugte nie.  In die vorige paragraaf het ons reeds gesien hoe 'n geredde sy vrug kan verloor as hy dit nie oppas nie... Kinders van die Koninkryk moet in die Here bly sodat hulle vrug kan dra, en moet ook seker maak dat hulle hul vrug behou!  (sien die belangrihei van die pad van godsaligheid). Elke kind van die Koninkryk se vrug sal geoes word wanneer Jesus terugkom, en Jesus het geleer dat die sonder vrug uiteindelik nie sal ingaan in die Koninkryk van God nie. M.a.w., al is jy 'n weergeborene wat vrug dra (en die belofte het van lewe en om in die Koninkryk in te gaan), kan jy jou saligheid verloor as jy dit nie oppas nie.  Soos in die vorige paragraaf verduidelik, verwys hierdie "bome" na die wie se harte beswaar word deur rykdom, sorge en verleiding/dronkenskap, swelgery-Luk. 21:34 (kyk die 3de groep in die gelykenis vd saaier), maar dit kan ook verwys na die 2de groep in die gelykenis vd saaier wat nie wortel skiet nie.  Goddelose mense word ook voorgestel as "sonder vrugte"! -Jud 1:12 - in konteks verwys dit veral na mense wat dwaal, murmureerders is, volgens hulle begeerlikhede wandel, trotsaards, en verleiers-Jud 1:16)(dit verwys na slegte mense in die kerk/is slegte bome-Matt. 21:41-43).

BOME WAT VRUGTELOOS IS, VERWYS DUS:

- (1) NA DIE WAT NIE WORTEL SKIET NIE (en afval)(2de groep in die gelykenis vd saaier), EN 

- (2) NA DIE WAT WEL BEGIN VRUG DRA MAAR DT VERLOOR (3de groep in die gelykenis vd saaier) EN VRUGTELOOS KAN OPEINDIG, EN

- (3) GODDELOSE / SLEGTE MENSE.

Die wat nie wortel skiet nie (punt 1), kan nie groei nie en kan dus nie vrug dra nie... Dit is mense wat tot bekering kom maar nie in die Here bly nie (en daarom kan hulle nie vrug dra nie)(Joh. 15:4,5) - hulle val af in tyd van versoeking, of as daar verdrukking of vervolging kom ter wille vd woord. HULLE GLO NET VIR 'N TYD! -(Luk 8:13; Mark. 6:16,17; Matt. 13:20,21). Dit is baie dieselfde as die wat onder die dorings saai (punt 2), want na regte glo hulle ook maar net vir 'n tyd... (alhoewel hulle nie sonder wortel is nie, maar staan nou die gevaar om af te val) - die rede hiervoor is omdat hulle begin om hulle hoop weer in die wereld te plaas..., en hulle eintlike probeel is dus vertroue (plaas hulle hoop in ander dinge). Goddelose mense verwys in konteks ook na mense wat in die geloof is maar hulle glo nie meer nie (het miskien altyd getwyfel), of meer presies doen hulle nie die wil van die Here nie (is ongehoorsames) - hulle tekort aan vrug is 'n bewys dat hulle nie die Here ken nie (bv., in plaas van om die Here te vertrou, is hulle murmureerders en verlei ander om nie die waarheid te gehoorsaam nie - hulle is gewoonlik trotsaards wat nie wil dien nie, en wandel volgens hulle eie begeerlikhede)(Rom. 1; boek van Judas). 

Die wat gered word het egter die belofte dat hulle nie onder hierdie vloek sal val nie... - hulle sal nie onder die oordeel van die hel val nie (hulle sal m.a.w. nie onder die oordeel vd tweede dood kom nie, en alhoewel hulle uiterlike mens sterwe, het hulle die belofte van opstanding tot ewige lewe wanneer Jesus terugkom). Maar wat gebeur met die gereddes wat afval (2de groep in die gelykenis vd saaier), en die gereddes wat vrugteloos word (3de groep in die gelykenis vd saaier)? Die wat afval kan nie gered word nie, want hulle het nie wortel nie en kan daarom nie geestelik groei en vrug (tot ewige lewe) dra nie;  dus al het hulle die saad/woord ontvang, het hulle nooit in die Here gegroei nie/nie in Hom gebly nie (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand"). Dieselfde met die wat vrugteloos word - wanneer Jesus terugkom sal elke gelowige se vrug geoes word, en wat sal gebeur met die wat sonder vrug (tot ewige lewe) is?(Luk. 13:6-9 - die wat nie vrug dra wanneer Jesus terugkom nie, sal uitgekap word)  (Joh 15:2 - "Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra") (Joh 5:28,29 - "Moenie julle hieroor verwonder nie. Want daar kom ‘n uur wanneer almal wat in die grafte is, sy stem sal hoor en sal uitgaan, die wat goed gedoen het, tot die opstanding van die lewe, en die wat kwaad gedoen het, tot die opstanding van die veroordeling"). (Om hierdie tema beter te verstaan en aan die kinders te verduidelik, kan die leier inkyk op die tema van "vervloektes" in die Skrif). Die met bloedskuld val gewoonlik tipies ook onder DIE VERVLOEKTES (bv. kinders wat hulle ouers verag, buite-egtelike gemeenskap, bloedskande, moordpleeg, ens.) - dit is waarom die Skrif o.a. leer dat geen hoereerders, afgodedienaars, egbrekers, wellustelinge, sodomiete, diewe, gierigaard, dronkaards, kwaadsprekers, rowers, vreesagtiges, ongelowiges, gruwelikes, moordeaars, leuenaars, towenaars, ens. die koninkryk van God beërwe sal nie (1 Kor. 6:10; 5:10) (Openb. 21:8 - "Maar wat die vreesagtiges aangaan en die ongelowiges en gruwelikes en moordenaars en hoereerders en towenaars en afgodedienaars en al die leuenaars hulle deel is in die poel wat brand met vuur en swawel: dit is die tweede dood"). (Nog 'n tema wat bestudeer kan word om hierdie beter te verstaan en aan die kinders te verduidelik, is die tema van "sonde tot die dood" in die Skrif).  Sommige wat tot geloof kom, begin na 'n tyd om weer die sonde te begin dien... (m.a.w., hulle verval weer onder die slaafskap van sonde) - so 'n geredde kan nie verwag om sy/haar saligheid te behou nie.  Dit is nie die Here wat so iemand laat los nie, maar hulleself wat hulle weer losmaak van die Here. In ander woorde, so iemand wat weer die sonde begin dien (bv. om in sonde te bly stap en te weier om hom/haar daarvan te bekeer), is besig met SONDE TOT DIE DOOD (hulle staan die gevaar om vervloek te word sou hulle hul nie daarvan bekeer nie, bv. hoereer, pleeg egbreuk, is ongelowig, wellustelik, is 'n kwaadspreker, ens..., maar wil nie daarvan bekeer nie).  

IS JY 'N BOOM "SONDER VRUG"? Is jy gered maar bly nie in die Here nie?  Het jy net vir 'n tyd lank geglo?  Is jy beswaar deur rykdom en die sorge en verleiding vd lewe? Is jy besig om te dwaal?  Is jy 'n murmureerder?  Is jy 'n trotsaard?  Is jy 'n verleier? Wandel jy volgens jou eie begeerlikhede eerder as volgens die Here se wil? Praat jy teen die wat in die bediening staan, bv. die wat mense leer om die Here se wil te doen eerder as hulle eie wil? Spot jy met die waarheid? Dink jy soos die wereld eerder as soos die Here? Veroorsaak jy skeuringe tussen gelowiges, bv. deur die waarheid te verdraai of mense te verlei om die verkeerde te doen?

Is jy iemand wat van die Christelike geloof afvallig geword het omdat jy nie die wil vd Here doen nie, maar jou eie wil? - Is jy iemand wat in sonde bly stap waarvan jy jou nie bekeer nie?

------------------------------------------------------------------------------------------------------------------------------

- Boom wat vrugte dra vir die dood. Dit verwys na natuurlike mense (NIE weergeborenes nie). Hierdie bome verwys NIE na geestelike mense nie, alhoewel sommige geestelike mense in "sonde tot die dood" stap... (wat beteken dat hulle sonde wat hulle nie afle nie, kan "tot die dood" wees). Natuurlike mense se uiteinde is DIE DOOD - hulle dra vrugte vir die dood (wat nie net verwys na wanneer die uiterlike mens sterwe nie, maar verwys ook na die "tweede dood", wanneer beide liggaam en siel in die poel van vuur gegooi word). Natuurlike mense het redding nodig. Alle mense word in sonde gebore en is dus "natuurlike mense", want hulle is uit Adam se saad gebore (is "vlees en bloed" - uit Adam se vlees en bloed gebore). Adam was 'n slaaf van sonde;  dus, sy kinders word gebore as slawe (van sonde), en is dus self slawe (van sonde) - en het daarom nodig om vrygekoop te word van hulle slaafskap!  Die sondige natuur vd mens (waarmee hy gebore is) veroorsaak dat hy vrugte dra vir die dood (Rom. 7:5), en daarom is die uiteinde van hulle slaafskap (onder sonde) die dood;  m.a.w., dit is soos 'n vloek -  die natuurlike mens IS VERVLOEK. 

Die wat vrugte dra vir die dood, verwys na:

- (1)  Natuurlike mense (is in sonde gebore en hulle uiteinde is die dood).

Is jy 'n "natuurlike mens"? - Natuurlike mense is nog nie wederbaar nie. As jou sonde nog nie vergewe is nie en jy nog nie die Heilige Gees ontvang het nie, is jy nog nie gered/wederbaar nie (en is dus nie instaat om "vrug tot lewe" dra nie).

----------------------------------------------------------------------------------------------------------------------------Vir die groepleier (nog woorde wat gebruik kan word tydens lesaanbieding):

Beeldspraak gebruik t.o.v. die mens of geestelike mens: Die liggaam is letterlik uit grond gemaak, maar die liggaam word ook somtyds figuurlik voorgestel met grond. In die gelykenis vd saaier word die mens bv. ook voorgestel soos grond (en saad daar verwys na woord), en sommige voorgestel soos "grond langs die pad", ander voorgestel soos "grond in rotsagtige plekke", ander soos "grond tussen dorings", en ander soos "goeie grond"...  Heelwat ander bybelstudie kan op hierdie tema gedoen word, bv. "braak vir julle 'n braakland", ens. Die "huis van Israel" word o.a. ook voorgestel soos "die Here se wingerd" in Jes. 5:7. Vgl. dit ook met Mark. 12:1-12, - "die gelykenis vd man wat 'n wingerd geplant het".    ELKE GELOWIGE KAN GESIEN WORD SOOS 'N BOOM WAT IN DIE HERE SE WINGERD GEPLANT WORD OM TE GROEI EN VRUG TE DRA.    Terwyl die LIGGAAM (uiterlike mens) voorgestel kan word met "grond", kan die SIEL (innerlike mens) weer voorgestel word soos saad wat in hierdie grond geplant word (en groei en vrug dra...). 

Daar is heelwat skrifte waar gelowiges so voorgestel word soos BOME, of soos saad wat in die wereld geplant word... (want saad bepaal wat sal opkom)(en die wat glo is soos koring wat deur die Here geplant word, maar "onkruid" word bv. deur die vyand geplant...)(Matt. 12:22; Luk. 3:9);  of gelowiges hulle word voorgestel soos takke of lote... (Rom. 11; Joh. 15:5). Vergelyk hierdie alles met die beeldspraak in Jes. 5 waar die Here 'n druiwe-oes verwag, maar die wingerd wilde druiwe voortbring... Die Here het Sy wingerd omgespit en die klippe daar uitgehaal en dit beplant met edel wingerdstokke..., en Hy het verwag dat dit druiwe sou dra! Jesus het ook hierdie selfde soort beeldspraak gebruik in: (Joh. 15:1,2) - "Ek is die ware wynstok, en my Vader is die landbouer. Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra".

Wat se soort boom is jy?  Meer presies, hoe beskryf jou vrug jou? 

Die vrug wat ons dra beskryf ons geestestoestand, bv. is jy sleg of is jy goed (vgl. dit ook met die gelykenis waarin die koninkryk vd hemele voorgestel word met 'n net wat in die see gegooi word...Matt. 13:47-50 - "goeie en slegte visse"). Wat se soort vis / boom is jy? 

Dit is nie net die "liggaam" wat beskryf wat se soort saad/plant/boom iets of iemand is (bv. "natuurlike mens" of "geestelike mens") nie, maar ook ons "vrug"!  Christene se vrug beskryf wat se soort bome hulle is..., en veral ons geestelike gesondheidstoestand (bv., bly jy in die Here?;  glo jy in Sy woorde?; ken jy Hom?; doen jy Sy wil?; ens.) - iemand se vrug is 'n getuienis van hoe sy hart lyk, en sy optrede en woorde kom "uit die hart" en wys wat is die gedagtes vd hart (Matt. 15:18,19; Mark. 7:21).  Christene is op 'n pad van godsaligheid waarin hulle groei van baba/kind tot jongmens tot vader... Soos hulle groei dra hulle vrug, en dit is hierdie "VRUG" wat vir jou vertel hoedanig iemand se geestelike toestand is. Hierdie is alles beeldspraak wat in die Skrif gebruik word om die geestelike toestand van 'n Christen te beskryf. Wanneer 'n Christen begin vrug dra, vertel sy vrug baie van hom as "boom"/vis. 

-----------------------------------------------------------------------------------------------------------------------------

Die gelowige 'n boom (2) - vrug (12 jaar tot volwassenes)

Vir die eerste deel in hierdie reeks ("die gelowige 'n boom"), gaan na:

- https://sondagskooltuis.blogspot.com/2014/07/a4-muurkaart-vertikaal-die-gelowige.html.

IN HIERDIE POS (met 2 lesse of meer) STAAN ONS VERAL STIL BY DIE TEMA VAN "VRUG".

 ___________________________________________________________________________________

LES 1:

Bespreek kortliks in die groep:

- Die Christen is aangestel "om vrug te dra" (Joh 15:16 - "Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee"). Wat word bedoel met "vrug dra"?

ANTWOORD:  (voorbereiding vir die leier: http://warechristene.blogspot.com/p/blog-page.html).

Christene word soos saad in die wereld gesaai, en groei soos 'n boom en dra vrug... Jesus het baie gepraat oor hierdie "vrug" wat ons moet dra (Joh. 12:24; 15:2,4,5,8,16), o.a. in die gelykenis vd saaier. Hierdie vrug wat ons dra moet gesien word soos loon;  bv., 'n boom wat kos en water kry en groei, dra vrug... - dit is die beloning/vrug van 'n boom wat in goeie grond staan, en lig, kos en water kry. Op dieselfde wyse het ons geestelike kos en water nodig sodat ons kan groei en hierdie vrug kan dra. Net soos 'n boom beloon word met vrugte, so word die persoon wat in die Here bly en by Hom geestelike kos en water kry, "beloon" deur vrugte... - hulle verander!  (sonder groei kan jy nie vrug dra nie, en sonder geestelike kos en water kan jy nie groei nie).  Net soos vrug gesien kan word aan 'n boom (en bv. wat se soort vrug), net so kan ons sien wanneer iemand hierdie soort vrug dra (en die soort vrug is 'n bewys van wat hy glo). Bv., geestelike mense (die wie se sondes vergewe is en die Heilige Gee het) dra spesifieke soort vrug wat soos 'n bewys is/beloning dat hulle glo. (1) In die eerste plek is hulle vrug 'n bewys van wat se soort boom hulle is - die grond (hulle is bv. weergebore - soos mense wat uit 'n ander liggaam gebore is, en hulle vrug getuig hiervan;  liggaam is van grond gemaak... - natuurlik is die fisiese liggaam nog nie vernuwe nie, slegs die innerlike mens wat die uiterlike lei op die pad van heiligmaking;  die uiterlike mens sal ook eendag vernuwe word in die opstanding). 'n Christen wat bv. begin om barmhartig op te tree en die waarheid te praat, se vrug getuig waarin hy glo, dat hy in die Here bly, en die Here ken.  Die Here laat hom groei en laat hom hierdie vrug dra.  (2) Dit is gewoonlik sigbaar onder mense wat hulle harte vir die Here gee en die Gees ontvang - sulke mense VERANDER! (dit is wat bedoel word met "vrug" - hulle optrede, denke, woorde, ens. verander - hulle dink en sien en doen nie meer soos natuurlike mense nie)(Spr. 11:30; 18:21; Kol. 1:2; Luk. 8:14; Joh. 4:36; Rom. 6:22; ens.). VRUG IS SOOS 'N PRENTJIE VAN JOU GEESTELIKE GESONDHEID (hoe tree jy op teenoor ander?;  hoe praat jy?; na wie luister jy?; wat doen jy?...ens.).

-  Ons het reeds gesien dat 'n boom moet groei voor hy kan vrug dra.  Op dieselfde wyse moet gelowiges geestelik groei voor hulle kan vrug dra.  Vraag: HOE GROEI IEMAND GEESTELIK? (Joh 15:4 - "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie"). Antwoord: Jy het geestelike kos en water en lig nodig (net soos 'n boom kos en water en lig nodig het). Ons het bv. die Heilige Gees nodig (wat soos lig is vir ons), en het die Here nodig (wat soos kos/brood vir ons), en het die woord/waarheid nodig (wat soos water is vir ons). Daar is verskillende fases van geestelike groei (bv. kinders, jongmanne, vaders) - vir verdere studie kan 1 Joh. 2 o.a. bestudeer word. Alhoewel die begrip "geestelike groei" nie in die Skrif gebruik word nie, word daar in baie skrifte na hierdie groei verwys (1 Pet. 2:2; 1 Kor. 3:6,7; 14:20; Matt. 13:30,39; Ef. 4:15; Hebr. 5:13; ens.).

------------------------------------------------------------------------------------------------------------------------------

LES 2: (hierdie kan miskien in 4 lesse opgedeel word)

Bespreek kortliks in die groep DIE GELYKENIS VD SAAIER: 

(dit kan voorgelees word-Matt. 13:1-9/13:18-23), of (Luk. 8:5-8/8:11-15), of (Mark. 4:3-9/4:14-20). 

- (1) BESPREEK DIE EERSTE GROEP IN DIE GELYKENIS VD SAAIER:  Die saaier saai die saad, wat verwys na DIE WOORD (bv. die evangelie word verkondig), maar die saad (die woord) word vertrap en deur die voëls van die hemel opgeëet... (Mar 4:4)(Luk. 8:5)(Matt. 13:4). Jesus het dit as volg verduidelik - Mat 13:19 - "As iemand die woord van die koninkryk hoor en nie verstaan nie, kom die Bose en roof wat in sy hart gesaai is—dit is hy by wie langs die pad gesaai is"). Vraag: Hierdie mense word dus nie weergebore nie (want hulle glo nie in die woord nie, en dit word dan gesteel). Wat se soort vrug dra sulke mense?;  m.a.w., wat se soort vrug dra "natuurlike mense"?  Antwoord: Vrugte vir die dood (Rom. 7:5). Hierdie groep mense verwys na natuurlike mense (alle mense word as "natuurlike mense" gebore en het redding nodig, en as hulle nie redding kry nie is hulle uiteinde die dood - wat nie net verwys na wanneer die liggaam sterwe nie, maar verwys ook na die tweede dood/poel van vuur, wanneer beide liggaam en siel verwoes word). Die eerste groep in die gelykenis vd saaier hoor die woord maar die bose roof dit omdat hulle dit nie verstaan/aanneem nie/glo nie - en hulle kan dus nie weergebore word nie! - en kan dus nie verander in geestelike mense (wat soos bome groei) en die VRUG tot lewe dra nie. Natuurlike mense kan nie "vrug tot (ewige) lewe" dra nie (hulle dra "vrugte vir die dood" - hulle uiteinde is die dood).  Slegs geestelike mense (die wie se sonde afgewas is en die Heilige Gees ontvang het) kan vrug tot lewe dra;  daarom, as iemand nie die saad/woord wat gesaai word ontvang en glo nie, word die saad /woord deur die bose gesteel en hulle kan dan nie geestelike mense word wat VRUG TOT LEWE dra nie.

-----------------------------------------------------------------------------------------

- (2) BESPREEK DIE TWEEDE GROEP IN DIE GELYKENIS VD SAAIER: In hierdie gelykenis het Jesus verduidelik dat sommige (vd wat tot geloof kom) nie wortel het nie (kyk die tweede groep in die gelykenis vd saaier)(Matt. 13:5,6) - hierdie groep mense verwys na gelowiges wat afval in tyd van versoeking... - hulle het nie wortel nie (Matt. 13:21). Vraag:  Kan 'n plant wat geen wortel het nie (en dus afval), vrug dra? Antwoord:  Nee. So 'n plant kan nie groei nie - en kan dus nie vrug dra nie!  Sulke gelowiges (wat nie wortel het nie en afval) kan nie geestelik groei nie, en kan dus nie vrug dra nie.  Wat gebeur met gelowiges wat geen vrug het wanneer Jesus terugkom?  (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand"). Vraag: Wat beteken dit dat iemand "nie wortel het nie" (hoekom skiet hy nie wortel nie)? Antwoord: Die redes gewoonlik waarom plante nie wortel skiet nie, is o.a. grond, kos, water en lig. Op dieselfde wyse kan iemand nie geestelik wortel skiet as die grond nie reg is nie (nie weergebore word nie), en hy nie die lig het nie (nie die Heilige Gees het nie), en hy nie die regte soort kos en water kry nie (het die Here nodig/Sy woorde nodig/Sy waarheid nodig/Sy geregtigheid soek) (https://warechristenedagstukkies.blogspot.com/2021/12/algemene-vrae-oor-saligheid-lewe-of-dood.html).  (GEESTELIKE KOS:  die Here se wil en woorde/Woord van God/Jesus is die Brood vd lewe/om die wil vd Here te doen-honger en dors na geregtigheid, is soos kos vir die geestelike mens)  (GEESTELIKE WATER: die Here is soos 'n fontein van water;  "water" verwys ook na woord - Jesus Christus is die Woord/die woorde vd Here/die Gees van God is ook soos water vir die geestelike mens-Gees van waarheid).

----------------------------------------------------------------------------------------

- (3) BESPREEK DIE DERDE GROEP IN DIE GELYKENIS VD SAAIER: Die derde groep stel weer 'n ander groep gelowiges voor..., nl. die wat wat begin vrug dra, maar dit ongelukkig verloor. Hulle hoor die woord, maar daar is dinge wat veroorsaak dat hulle die vrug wat hulle begin dra het weer verloor.  So iemand se vrug is soos groen vrug (is sonder ryp vrug) of eindig sonder vrug op. Die woorde wat Jesus gebruik is "dit verstik die woord" (soos dorings vrug kan verstik). Vraag:  Daar is 'n paar dinge/"dorings" wat veroorsaak dat gelowiges se vrug verstik word/ hulle hul vrug kan verloor.  In die gelykenis vd saaier noem Jesus 'n paar - wat is hierdie dinge (dorings)? Lees Matt. 13:22/Mark. 4:19/Luk. 8:14.  Antwoord: (1)  Sorge van hierdie wêreld;  (2) Die verleiding van die rykdom;  (3) Begeerlikhede in verband met die ander dinge/genietinge vd lewe. Vir verdere studie vir die leier, kan die temas van "dorings en distels"/brandnekels en "wilde druiwe" o.a. behandel word. Vraag:  Ons leer uit hierdie gelykenis dat hierdie groep mense hulle vrug verloor a.g.v. iets bv. dorings.  Watter invloed het dit op 'n plant wanneer dorings daarop groei? Antwoord:  Dit kan die saad verstik (Jer. 4:3; Matt. 13:7,22). Dit is wat "dorings" in ons lewe veroorsaak. 'n Gelowige wat vrug dra se vrug kan verstik word deur die sorge van die wereld, die verleiding van rykdom, en die begeerlikhede of genietinge vd lewe.

-----------------------------------------------------------------------------------------

- (4) BESPREEK DIE VIERDE GROEP IN DIE GELYKENIS VD SAAIER: Die vierde groep stel gelowiges voor wat vrug dra, en bly dra. Die 4de groep mense is m.a.w. gelowiges wat aanhou vrug dra, en hulle vrug oppas! (hulle bly dit dra...). Vir die onderwyser:  - met hierdie groep in die gelykenis vd saaier, is daar ander temas in die Skrif ook belangrik om in te bring by hierdie les, bv. harte besny, braak vir jou 'n braakland, ens., wat dit maklker maak om hierdie te verduidelik.  Kom ons kyk na hierdie verskillende metodes.  Die onderwyser kan self aan nog 'n paar vrae dink vir bespreking...:

Die tema van DORINGS EN DISTELS: Dit is gewoonlik wanneer grond nie omgespit word nie wanneer dorings en distels opkom. Die mens se liggaam kan vgl. word met GROND (is immers uit grond gemaak).  

Die tema van PAD VAN GODSALIGHEID: Onthou dat alhoewel die geestelike mens se innerlike vernuwe is, sy liggaam/uiterlike mens nog nie vernuwe is nie, en ons is dus op 'n pad van godsaligheid... Die geestelike mens se "grond" moet omgespit word. Ons kan nie saligheid deur eie moeite verkry nie, ja, maar om jou vrug te behou moet jy bietjie eie moeite insit! Godsaligheid en godsvrug is iets waarin die Christen hom/haarself moet OEFEN (1 Tim. 3:16; 6:3; ens.). Dit is selfs meer belangrik as liggaamlike oefening (1 Tim. 4:7,8). Die Christen is op 'n wedloop... (1 Kor. 9:19-27; 10:2-12), en moet sy liggaam kasty en diensbaar maak aan die Here. Alhoewel die geestelike mens vrygemaak is (van sy slaafskap onder sonde), is hy vrygekoop deur Jesus Christus, en is m.a.w. nou sy slaaf. "Godsaligheid" kan ook gesien word soos VRUG - mense begin op 'n sekere manier optree en praat en doen. Sommige mense kom voor of hulle godsalig is (lyk bv. of hulle omgee vir ander mense)(1 Tim. 6:4,5; 2 Tim. 3:5; 4:3), maar doen nie die wil van die Here nie, en hulle vrug getuig hiervan omdat hulle baiemaal verwaand is, laster, besig hou met twisvrae ens. Opregte godsaligheid kan slegs verkry word deur die wat die Here gehoorsaam en Hom vrees, en die vrug van sulke godsaligheid lyk dus anders! (is bv. eerder vergenoeg, gehoorsaam, hou vas aan die waarheid, is nie opgeblase nie, bid vir ander mense-1 Tim. 2:2; ens.)(1 Tim. 6:6; 2 Pet. 1:4; 1 Tim. 2:9,10; ens.).

Die tema van BRAAKLAND BRAAK: Gelowiges word beveel om hulle braakland te braak (Jer. 4:3; Hos. 10:12). Vraag:  Wat beteken dit om jou "braakland te braak"? Antwoord: "Braakland braak" beteken dat die grond omgespit word en mis gegooi word. As jy nie ploeg (en saai) nie, kan jy nie verwag dat daar iets gaan wees in die oestyd nie... (Spr. 20:4), en waar grond nie omgespit word nie, skiet dorings en distels op (Jer. 5:6) - wat kan veroorsaak dat jou vrug verstik word. Net soos die mens geskep is uit grond, net so kan die gelowige se innerlike voorgestel word met grond waarin saad (die siel) groei en vrug dra.  As die gelowige nie sy GROND omspit en mis gooi nie, kan hy nie verwag dat daar 'n goeie oes gaan wees wanneer Jesus terugkom nie (Spr. 20:4), want waar grond nie omgespit word nie, skiet dorings en distels op... (Jes. 5:6), en wanneer in sulke grond gesaai word sal die dorings die vrug verstik (Jer. 4:3; Matt. 13:7,22). Dus, die gelowige wat nie sy "braakland braak" nie word gesien as lui en onverstandig - sulke grond is onvrugbaar en kan geen ryp vrug dra. Dit is dus duidelik dat alhoewel sommige gelowiges groei en begin vrug dra!, hulle dit verloor ... (omdat dit deur dorings verstik word-Jer. 4:3; Matt. 13:7,22), en die rede hiervoor is omdat hulle nie hulle grond omgeploeg het nie. Hierdie is gevaarlik, want as die gelowige sy vrug verloor, dan kan hy vrugteloos opeindig. 

Die tema van HARTE BESNY: Die besnydenis van die hart (en ore) is nie net iets wat die Here doen in gelowiges se harte wanneer die siel vernuwe word nie, maar is ook iets wat van elke gelowige verwag word om self te doen! (ons is op 'n pad van godsaligheid). Elke gelowige is soos 'n boom in die Here se wingerd wat geplant word OM VRUG TE DRA... Die Here spit Sy wingerd om, haal die klippe uit en beplant dit met edel wingerdstokke... (Jes. 5).  Vir 'n pos oor "hart besny", gaan na: https://warechristenedagstukkies.blogspot.com/2018/04/besnydenis-van-hart-en-ore.html.

Die tema van PLOEG EN SAAI: Die tema van "ploeg en saai" het veral te doen met die besnydenis vd hart (kyk vorige paragraaf), en sluit aan by die tema van "braakland braak" (kyk vorige paragraaf). In die Skrif word daarna verwys as jy moet jou grond omploeg - elke gelowige is ook self verantwoordelik om te "ploeg en saai" - as jy nie jou grond omploeg nie, dan is dit soos om onder die dorings te saai... (Jes. 5:6) - wat ons saai sal ons maai. Bv., selfs al word daar waarheid gesaai en jy dra goeie vrug, kan dorings in ons lewe daardie waarheid of vrugte verstik. Geestelike mense moet dus seker maak dat hulle nie "onder die dorings saai" nie! - in daardie opsig is "ploeg" en om reg te saai belangrik. As jy nie jou grond omploeg en mis gooi nie (m.a.w., as jy nie jou hart besny en reg saai nie), kan jy nie verwag dat vrug van jou geoes sal word wanneer Jesus terugkom nie. L.w. dat hierdie is een vd dinge wat gedoen gaan word wanneer Jesus terugkom, en dit is dat gelowiges se VRUG geoes gaan word... (Matt. 13:30,39; Mark. 4:29; ens.). 

Die tema van om IN DIE HERE TE BLY:  Jesus het geleer van die belangrikheid van om in Hom  te bly, want as die gelowige dit nie doen nie, kan hy nie vrug dra nie. Lees die volgende vers in die groep: - Joh. 15:4 ("Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie"). Die feit dat die Here in die geestelike mens bly (deur Sy Heilige Gees), beteken nie dat alle geestelike mense ook in die Here bly nie!  As jy nie in die Here (in Jesus Christus) bly (Hom ken en dien en soek) nie kan jy nie vrug dra nie, en as jy onder die dorings saai kan jou vrug nie bly nie... 

-----------------------------------------------------------------------------------------------------------------------------

Die "natuurlike liggaam" en die "geestelike liggaam" (11 - 15 jariges)(Les 2)

Hierdie is deel vd reeks oor "die mens" (die mensdom)(bedoel vir 9-12 jariges). 

In hierdie groep lesse word gekyk na soorte liggame, en in die derde les word die innerlike mens ook in konteks met dit gebring::

- (LES 1) Verskillende wesens het verskillende soorte liggame.

- (LES 2) Die verskil tussen die natuurlike liggaam en die geestelike liggaam (mense).

- (LES 3) Die verskil tussen die natuurlike mens en die geestelike mens.    

------------------------------------------------------------------------------------------------------------------------------LES 2:

VIR DIE ONDERWYSER: Hierdie les is soos 'n inleiding vir die saligheidsboodskap en die komende opstanding. Let wel dat daar veral stilgestaan word by die term "DIE LIGGAAM" of "die uiterlike vd mens" (nie die innerlike nie). Hierdie les sluit aan by die vorige les wat gaan oor "verskillende soorte liggame" - in hierdie les word verduidelik dat, alhoewel alle mense met "natuurlike liggame" gebore word (en hulle uiteinde dus die dood is), sal gereddes eendag "geestelike liggame" kry - 'n geestelike liggaam is 'n ander soort liggaam wat nie kan doodgaan nie (let daarop dat die begrip "geestelike liggaam" ook nie verwys na die innerlike of die gees vd mens nie, maar verwys na 'n ander soort uiterlike/liggaam as die een wat ons nou het... - hierdie konteks is belangrik in orde om hierdie tema goed te kan verduidelik). As u meer skrifte soek, rol gerus af tot heel onder vir ekstra skrifte (getiteld "opsomming vir die onderwyser").   DIE TWEEDE DEEL VD LES IS ter wille van konteks LANGDRADIG UITGESKRYF EN SAL MOONTLIK DEUR DIE ONDERWYSER VERKORT MOET WORD VIR LESAANBIEDING... 

EERSTE DEEL VD LES:

VRAAG: Wat dink julle is die grootste probleem hoekom saad somtyds sukkel om groei, of plante doodgaan nadat hulle gegroei het? 

(die onderwyser kan moontlik iemand met kennis oor plante uitnooi om by die klas in te sit...) 

ANTWOORD:  Daar is heelwat faktore wat 'n rol kan speel, maar die grootste probleem is DIE GROND. .. (Vir die onderwyser:  hierdie les gaan voort met die onderwerp van "grond", wat op beurt met "die liggaam" vgl. word, - sien vorige les...). Plante gaan dood in onvrugbare grond. 

Soos in die vorige les gesien kan die liggaam voorgestel word soos grond. 

In hierdie les gaan ons die NATUURLIKE LIGGAAM (vd mens) voorstel met "onvrugbare grond". Wat gebeur as jou grond/liggaam soos onvrugbare grond is? Wel, dieselfde gaan gebeur soos wat in die natuur gebeur - die mens groei en dra vrug..., maar gaan dan dood a.g.v. die grond. Die woorde wat die Bybel veral hiervoor gebruik is dat die mens /die natuurlike mens ("kinders van Adam") "dra vrugte vir die dood" (Rom. 7:5))(dit beteken alle mense gaan dood).  Alle mense word in sonde gebore (gebore uit Adam se saad), en het dus NATUURLIKE LIGGAME (liggame wat doodgaan).  M.a.w., net soos onvrugbare grond veroorsaak dat plante doodgaan, net so is die natuurlike liggaam waarin ons gebore is, soos onvrugbare grond en daarom gaan alle mense dood.   

TWEEDE DEEL VD LES: (in hierdie deel vd les kyk ons na hoekom kinders van Adam met natuurlike liggame gebore word?)

LEES Gen. 2:16,17  (van Adam en Eva in die tuin van Eden...).

VRAAG:  Wat het God gesê sal met Adam en Eva gebeur as hulle vd boom van kennis van goed en kwaad eet?

 ANTWOORD:  Hulle sal sterwe / doodgaan. Dit is die rede waarom alle mense sterwe. Toe Adam die sonde kies het hy 'n SLAAF geword van sonde... (Bespreek gerus in die groep wat dit beteken om 'n slaaf te wees?). 'n Slaaf het 'n meester vir wie hy dien en gehoorsaam. As ons nou beweer dat Adam 'n slaaf was van sonde, dan beteken dit dat "sonde" sy meester was.  Adam het gekies om die sonde te begin DIEN... (Rom. 6:6) - m.a.w., omdat hy gekies het om ongehoorsaam te wees aan die Here en die sonde gehoorsaam, het hy die sonde begin dien (so het hy 'n slaaf geword van sonde). 

Wat dink jy het met Adam se kinders gebeur?  - wat gebeur met slawe se kinders, is hulle vry?, of is hulle ook slawe? Antw.:  Slawe se kinders is gewoonlik ook as slawe gebore! Hulle word AS SLAWE GEBORE EN DIEN DIESELFDE MEESTER...  M.a.w., almal wat uit Adam gebore is is ook as slawe (van sonde) gebore... Adam was 'n slaaf, so jy is ook 'n slaaf gebore;  m.a.w., alle kinders van Adam dien/is gehoorsaam aan die sonde - is 'n slaaf van sonde.  En die feit dat ons almal sondig is 'n bewys hiervan!  Is daar enige mens wat jy ken wat nog nooit gesondig het nie? (behalwe Jesus Christus). Nee, almal sondig;  dus, almal is slawe van sonde want hulle is kinders van Adam... - en a.g.v. hierdie slaafskap gaan almal dood... (1 Kor. 15:22; Gen. 2:17; Rom. 5:12). 

Die Skrif het spesifieke woorde wat hiervoor gebruik word, nl. dat "mense in sonde gebore word" (hulle is gebore uit Adam se saad) - omdat ons kinders van slawe is is ons self ook slawe (in hierdie geval "slawe van sonde"). Kinders van slawe dien dieselfde meester as wat hulle ouers gedien het.  Maar God het vir Adam (en Eva) gewaarsku, het Hy nie?... Wat het Hy vir hulle gese sal gebeur as hulle die sonde kies? (wat het ons bo gelees?) - hulle sal doodgaan. Wanneer iemand die sonde dien het dit vreeslike gevolge, en dit is dat so iemand DOODGAAN. Wat het met Adam en Eva gebeur?  -hulle het doodgegaan. Wat gebeur met al die kinders wat uit Adam se saad gebore is? -hulle is almal as slawe van sonde gebore, so hulle uiteinde is ook DIE DOOD...  Die hele mensdom is uit Adam se saad gebore; en is dus as slawe gebore, en as jy 'n slaaf is van sonde dan is jou uiteinde DIE DOOD (almal in sonde gebore is "kinders vd toorn"-Ef. 2:3)(Rom. 5:12-21). "Die dood" verwys nie net na wanneer die liggaam sterwe nie, maar veral na die tweede dood, wanneer beide die liggaam en siel in die hel gewerp word). In hierdie les gaan ons nie kyk na die "tweede dood" nie (dit sal op 'n ander les behandel word), maar net stilstaan by die feit dat DIE LIGGAAM (die natuurlike liggaam) doodgaan. Wanneer iemand doodgaan is dit sy liggaam/uiterlike mens wat sterwe en begrawe word, nie sy siel/innerlike mens nie.  M.a.w., as jou ouers se liggame onder SLAAFSKAP was toe jy gebore is, is jou liggaam ook 'n SLAAF, en as jy dus as 'n "slaaf van sonde" gebore is ("in sonde gebore"- Ps. 51:5; Job 15:14; Rom. 6:20; Joh. 8:34 / is "verkoop" onder sonde-Rom. 7:14) dan beteken dit dat jou meester die sonde is... (as dit nie so was nie, dan sou jy nooit gesondig het nie).  Ons is in slawerny gebore en sal daarom sterwe (1 Kor. 15:22; Ps. 39:4; Rom. 8:21). DIE MENS HET DUS REDDING NODIG VAN HIERDIE SLAAFSKAP (onder sonde). 

Maar hoe kan ons vrykom daarvan?  Weet julle hoe slawe kon vrykom? (daar kan in die klas eers bietjie hieroor gesels word - beeldmateriaal kan miskien gebruik word om te wys hoe dit gebeur). 

Die maniere hoe 'n slaaf kon loskom van slaafskap, is: 

- (1) deur homself vry te koop (bv. werke /geld), of 

- (2) jy moet deur 'n ander meester gekoop/losgekoop word. 

Daar is niks wat die mens kan doen waardeur hyself sy vryheid kan bewerk nie - geen werke of geld kan vir jou hierdie vryheid koop nie (Ef. 2:8,9; Rom. 3:28; 4:2; 11:6; 1 Kor. 1:29-31; Tit. 3:3-5; ens.). Al doen jy goeie werke jou hele lewe lank, dit sal jou nie kan vrykoop nie.  Die enigste manier vir die mens om vry te kom van slaafskap onder sonde, is deur "VRYgekoop" te word deur 'n ander meester (Joh. 8:36)(en is dan vry van die vorige meester, maar behoort dan natuurlik aan die een wat jou gekoop het)(1 Kor. 7:22; 1 Pet. 2:16) - en dis nie enige meester wat hierdie prys kan betaal nie (God besluit hoe hierdie redding verkry word, en Sy oplossing is deur Sy Seun;  mense kan nie besluit hoe dit verkry word nie). Jesus Christus is die enigste Een wat instaat is om ons vry te koop, want die een wat ons kan vrykom sal moet ten minste iemand wees wat die dood kan oorwin! 

Kortom, almal wat glo in Jesus Chrisus word deur Hom vrygekoop van hulle slaafskap onder sonde - hulle behoort nou aan Hom en het die belofte van ewige LEWE (dit is waarom gelowiges nuwe liggame belowe word, wat sal plaasvind in die volgende opstanding). Dit beteken dat al gaan hulle dood sal Hy hulle eendag opwek uit die dood en nuwe liggame gee wat vir ewig lewe (daar word gewoonlik in die Skrif hierna verwys as "die opstanding", en almal wat in Jesus Chritus sterf gaan op 'n spesifieke tyd opstaan... - daar is 'n dag hiervoor bepaal, nl. wanneer Jesus Christus terugkom). As iemand vrygekoop is deur Jesus Christus dan dien hy nie meer die sonde nie, maar dien nou vir Jesus Christus.  Maar l.w. dat die natuurlike liggaam waarmee ons gebore is nie onmiddellik vernuwe word (wanneer ons vrygekoop word) nie - weergeborenes gaan steeds dood (omdat hulle nog hierdie liggame het), maar het alreeds die belofte van nuwe liggame! Net soos die dood (en slaafskap onder sonde) deur een mens (nl. Adam) gekom het, net so sal "lewe" (opstanding vd dode) deur een Mens kom... (nl. Jesus Christus).(1Kor. 15:21-23). Die dood kan gesien word soos 'n vyand... (dit is die mens se vyand), en sal vernietig word wanneer iemand opstaan uit die dood - dit kom deur een Mens, nl. Jesus Christus... (1Kor. 15:26).

Die wat in Jesus Christus glo sal eendag NUWE LIGGAME kry - hulle sal uit die dood opgewek word en 'n ander soort liggaam gegee word - 'n liggaam wat VIR EWIG kan LEWE .  Dit sal 'n ander soort liggaam wees as die natuurlike liggaam wat ons nou het, en word 'n GEESTELIKE of ONVERGANKLIKE LIGGAAM genoem.  DAAR KAN IN DIE GROEP GEKYK WORD NA HIERDIE "GEESTELIKE LIGGAAM" WAT VIR WEERGEBORENES BELOWE WORD, EN HOE DIT VERSKIL VD NATUURLIKE LIGGAAM  (vir die onderwyser vir 'n studie hieroor, gaan na: https://warechristene.blogspot.com/2017/11/verheerliktegeestelikeonverganklike.html). 

------------------------------------------------------------------------------------------------------------------------------

Onderstaande is nie deel vd les nie, maar bedoel om 'n opsomming te gee vd geheel (miskien vir meer woorde om iets beter te kan verduidelik), asook meer skrifte word hier gegee.

'n Ekstra OPSOMMING VIR DIE ONDERWYSER (ekstra skrifte):  

Adam se liggaam (na die sondeval) kan vgl. word met grond waarin plante sukkel om te groei, en as dit gegroei het gaan dit dood.  Die mens se liggaam (die "natuurlike liggaam" wat uit Adam se saad gebore is) kan vgl. word met 'n boom wat vrugte dra, maar omdat sy grond nie vrugbaar is nie, dra hy vrugte vir die dood... (alle mense gaan dood).  Die begrip "dood" verwys nie net na wanneer die liggaam doodgaan (en verderf in die graf) nie, maar verwys ook na die "tweede dood" (Openb. 20:6,14; 21:8), nl. die "oordeel vd hel" wanneer beide die liggaam en siel verderwe word in die hel (Matt. 10:28)  -  in hierdie les word daar net gekyk na wanneer die uiterlike mens / die liggaam doodgaan;  daar word nie regtig na die tweede dood in hierdie les gekyk nie.

Wat beteken dit dat die mens 'n "natuurlike liggaam" het?  Mense met natuurlike liggame gaan dood...  - dit gaan oor die soort liggaam en uit wie se saad iemand gebore is. Natuurlike mense (maw, kinders van Adam) het natuurlike liggame, en daarom gaan hulle dood...  'n Natuurlike liggaam kan vgl. word met onvrugbare grond - as jy iets daarin plant, sal dit doodgaan;  MAAR mense wat weergebore word (genoem "geestelike mense") dra vrugte tot lewe! (Rom. 7:4) - hulle is soos mense wat oor gebore is (alhoewel hulle nog natuurlike liggame het, word hulle nie meer gesien soos mense wat uit Adam se saad gebore is nie, maar asof gebore uit God (alhoewel nie fisies uit Hom gebore nie, maar geestelik). Hulle word geestelike mense genoem, maar kry eers later geestelike liggame. Dus, alhoewel hulle nog natuurlike liggame het het hulle die Heilige Gees in hulle liggame wat hulle instaat stel om vrug tot (ewige) lewe te dra - hulle liggame word nie onmiddellik vernuwe met weergeboorte nie, maar hierdie "vrug tot lewe" (wat hulle deur die Gees dra) verdien vir hulle die ewige lewe... verdien vir hulle liggame wat vir ewig kan lewe - hulle sal m.a.w. eendag geestelike liggame "oes"... (1 Kor. 15:44)(Mark. 4:29; Matt. 13:30; ens.). Die mens bestaan uit 'n UITERLIKE en 'n INNERLIKE (2 Kor. 4:16; 5:12; Rom. 7:22; Ef. 3:16; 1 Pet. 3:3,4; 1 Sam. 16:17) - (1) 'n uiterlike mens (word somtyds bloot na verwys as "die liggaam") en (2) 'n innerlike mens (word na verwys as "die siel" / en word somtyds na verwys as "die gees vd mens"). Wanneer iemand "weer gebore" word (deur Jesus Christus - sy sonde vergewe word en hy die Heilige Gees ontvang), dan is dit sy innerlike mens wat alreeds vernuwe word (nie sy uiterlike nie - sy uiterlike word eers vernuwe in die opstanding).  Die natuurlike liggaam waarin hy gebore is (die UITERLIKE) is dus nog nie vernuwe nie, al is sy innerlike al vernuwe;  en daarom sal sy natuurlike liggaam steeds doodgaan... (maar weergeborenes se liggame sal ook eendag vernuwe word!).  Weergeborene of "geestelike mense" (die wie se sondes afgewas is en die Heilige Gees het) het hierdie belofte dat hulle eendag GEESTELIKE LIGGAME sal kry, liggame wat nie doodgaan nie. Dit sal gebeur in die opstanding wanneer Jesus terugkom - hulle sal dan opgewek word uit die dood en nuwe liggame gegee word. 

Geestelike mense het 'n "goddelike natuur" verkry (1 Pet. 1:4);  m.a.w., in plaas van om die wereld te begeer, begeer geestelike mense eerder die wil vd Here. Hierdie wys "wie dit is vir wie hulle nou dien - hulle dien nie meer die sonde nie (die sonde is nie meer hulle meester nie), maar dien nou vir Jesus Christus (hy is hulle Meester - hulle behoort nou aan Hom, is deur Hom gekoop, en is terloops soos Sy kinders asof uit God gebore - is as vryes gebore!). Dit wys o.a. daarop dat hulle innerlike alreeds vernuwe is (het 'n "nuwe hart" - hulle "sien" en dink anders...)(bestudeer veral die tema "besnydenis van hart en ore" om hierdie beter te verstaan). 

Die wat deur Jesus vrygekoop is is "slawe van Christus" - hulle liggame en gees behoort aan die Here, want hulle is duur gekoop... (1 Kor. 6:19,20; 7:22).  

M.a.w., alhoewel alle mense op die oomblik 

- NATUURLIKE LIGGAME het, 

het die wat deur Jesus vrygekoop word die belofte dat hulle eendag

- GEESTELIKE LIGGAME sal kry . 

MAAR ALHOEWEL HULLE STEEDS NATUURLIKE LIGGAME HET, STEL HULLE ALREEDS HULLE LIGGAME IN DIENS VD HERE - hulle liggame is soos slawe van Christus... - hulle dien Hom deur hulle liggame (1 Kor. 7:22; 6:19,20; 2 Pet. 2:19). In daardie opsig is hulle alreeds vry van hulle slaafskap onder sonde, maar het nog nie nuwe liggame nie... (maar omdat hulle die Here met hulle liggame dien is hulle besig om vrug vir die ewige lewe te verdien, en sal nuwe liggame oes wanneer Jesus terugkom). 

NATUURLIKE MENSE:  -hierdie is 'n begrip wat nie net van die uiterlike mens (nl. die natuurlike liggaam) gebruik word nie, maar word ook somtyds in 'n ander konteks gebruik om die innerlike te beskryf (bv., die natuurlike mens het nie die Gees van God nie en is vleeslik). Dit is indirek 'n verwysing na die wat in sonde gebore word, nl. kinders van Adam. Wat die innerlike mens bv. aanbetref verwys die begrip "natuurlike mens" veral na iemand se "natuur" (nie dit wat natuurlik is nie!) - bv., "natuurlike mense" is sinnelik of vleeslik, en dink vleeslik... - in hierdie les staan ons nie stil by hierdie innerlike aspek  nie, maar kyk slegs na die uiterlike, nl. die "natuurlike liggaam" (Jud. 1:10; 1 Kor. 2:14; Rom. 8:5). Die begrip "natuurlike mens" sal in die volgende les behandel word, waarin veral gekyk gaan word na die verskil tussen die natuurlike mens en die geestelike mens. 

Natuurlike mense het NATUURLIKE LIGGAME (dit is die liggame waarin ons almal gebore is)(die begrip "natuurlike liggaame" verwys na die met 'n "sondige natuur" - is in sonde gebore, en is daarom verganklik)(1 Kor. 15:44; Ps. 51:7). Natuurlike mense DRA VRUGTE VIR DIE DOOD (omdat hulle kinders van Adam is word hulle in sonde gebore, en gaan dus dood)(Gen. 2:16,17).

GEESTELIKE LIGGAAM:  -dit is die liggaam waarin weergeborenes of geestelike mense eendag opgewek gaan word (1 Kor. 15:44).  Die liggaam waarin die geredde eendag opgewek word is anders as die huidige natuurlike liggaam, en word o.a. 'n "geestelike" (of "verheerlikte" of "onverganklike") liggaam genoem. GEESTELIKE LIGGAME IS ANDERS AS NATUURLIKE LIGGAME - geestelike liggame gaan bv. nie dood nie, maar natuurlike liggame gaan dood.   

Vrykoping gebeur op 'n spesifieke manier, en Jesus Christus is die Meester wat ons kan vrykoop. Op geen ander manier kan ons vrykom nie. Hy is die enigste manier wat deur God die Vader aanvaar word (Hand. 4:12). Wie sou instaat wees om ons vry te koop? Natuurlik die een wat die dood oorwin! Daar was net een mens in die geskiedenis wat dit kon doen, nl. Jesus Christus - wie eintlik Here is maar mens geword het terwille van ons (1 Kor. 15:12-29). God het Sy Seun gestuur om ons te kom red... Deur Sy opstanding het Jesus Christus die dood oorwin. Hy het opgestaan uit die dood, en so mag gekry oor die dood (maar ons gaan nie hier baie gesels oor die hele saligheidsboodskap nie - hierdie is slegs 'n kort opsomming om te verstaan deels hoekom die mens redding nodig het en hoe dit verkry word). Jesus het die dood oorwin en het dus die mag om ons los te koop vd dood... Hy het terloops self geen sonde gehad nie en het beslis nie die dood verdien nie, maar is doodgemaak (en Hy het dit toegelaat sodat Hy deur die dood hom, nl. die duiwel, tot niet kon maak wat mag gehad het oor die dood)(Heb 2:14) - "Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het—dit is die duiwel—").

Die wat in Jesus Christus glo en wederbaar word is mense wat vrygekoop word van hulle slaafskap. Dit beteken hulle dien nie meer die sonde nie, maar dien nou vir Christus... (Rom. 5:22,23)(hulle is slawe van Hom - 1 Kor. 7:22; 1 Pet. 2:16; Rom. 7:3-6; Gal. 4:1, 7-10).  En alhoewel hulle kinders van Adam is en natuurlike liggame het en dus steeds doodgaan (want hulle liggame is nog nie vernuwe nie), word die wat deur Jesus vrygekoop is alreeds gesien soos kinders van God... (hulle word nie meer gesien as kinders van Adam, nl. "natuurlike mense" nie, maar gesien as die Here se kinders - hulle is nou "geestelike mense");  soos mense wat oor gebore is! (in die Skrif word daarna verwys as "weer gebore").  Weergebore, maar hierdie keer nie uit Adam se saad nie maar uit God gebore! Weergebore mense word gesien soos mense wat "uit God gebore is", uit Sy saad... - al is hulle nie fisies uit Hom gebore nie (1 Joh. 5:1; 4:7; 5:4; Gal. 4:1-7). 

Wanneer iemand weergebore word kry hy nie onmiddellik 'n nuwe liggaam nie, maar hy het die belofte dat hy dit eendag sal kry (Luk. 20:35,36; Joh. 5:29; Matt. 22:28-30; Luk. 14:14), meer presies sal dit 'n liggaam wees wat nie doodgaan nie. Weergeborenes het bv. nog nie nuwe liggame ontvang nie, alhoewel hulle siele vernuwe is (en het die belofte dat hulle liggame ook eendag vernuwe sal word). Hulle huidige "natuurlike liggame" is dus nog nie vernuwe nie (daarom gaan geestelike mense steeds dood), maar hulle sal eendag deur Jesus (wanneer Hy terugkom) opgewek word uit die dood, en net soos hulle innerlike vernuwe is sal hulle uiterlike dan ook vernuwe word - hulle sal nuwe LIGGAME kry WAT NIE KAN DOODGAAN NIE.  Hierdie liggame word geestelike of onverganklike liggame genoem - en die wat hierdie liggame gaan ontvang, sal vir ewig kan lewe... (Rom. 6:22,23; 5:21; Joh. 10:28; Gal. 6:8; ens.).

------------------------------------------------------------------------------------------------------------------------------

Verskillende soorte liggame (9 - 12 jariges)(Les 1)

Hierdie is deel vd reeks oor "die mens" (die mensdom)(bedoel vir 9-15 jariges). 

In hierdie groep lesse word gekyk na soorte liggame, en in die derde les word die innerlike mens ook in konteks met dit gebring: :

- (LES 1) Verskillende wesens het verskillende soorte liggame.

- (LES 2) Die verskil tussen die natuurlike liggaam en die geestelike liggaam (mense).

- (LES 3) Die verskil tussen die natuurlike mens en die geestelike mens.  

-----------------------------------------------------------------------------------------------------------------------------

LES 1:

(hierdie les is bedoel vir 9-12 jr., maar kan kombineer word met moeiliker temas vir ouer kinders, bv. "die Here se wingerd", "braak vir julle 'n braakland", ens.). 

VRAAG:  Wanneer die mens doodgaan verander sy liggaam oor tyd na stof/grond...  Hoekom dink julle is dit die geval;  m.a.w., hoekom verander die mens se liggaam spesifiek na "grond" wanneer hy doodgaan?  LEES Gen. 3:19: -("In die sweet van jou aangesig sal jy brood eet totdat jy terugkeer na die aarde, want daaruit is jy geneem. Want stof is jy, en tot stof sal jy terugkeer").      

ANTWOORD:  Want ons is uit stof/grond gemaak. 

Lees Gen. 2:7.

Die mens se liggaam is van grond gemaak, en wanneer iemand die laaste asem uitblaas gaan hy dood en sy liggaam sal met die tyd weer terug verander na grond... (Ps. 90:3; 104:29; Pred. 3:20).  Alle mense word met dieselfde soort liggaam gebore en is dus van dieselfde soort "grond" (is almal kinders van Adam). Jy sal merk dat ons in hierdie les DIE LIGGAAM van die mens (nl. ons vlees) vgl. met GROND.  In sommige skrifte in die Bybel word die mens se liggaam ook soos grond voorgestel... (gelykenis vd saaier; Hebr. 6:8; Matt. 13; Jer. 4:3; Hos. 10:12).  

'n Ander woord wat ook somtyds vir "liggaam" gebruik word is die woord "vlees" - die hele mensdom is van dieselfde SOORT VLEES - is van dieselfde soort "grond". 'n Term wat in die Skrif gebruik word om te beskryf hoe alle mense van dieselfde soort vlees is (nl. kinders van Adam), is die woorde "natuurlike mense" - alle mense word as "natuurlike mense" gebore;  wat beteken hulle is van dieselfde soort "grond"... (is kinders van Adam)(het "natuurlike liggame"). 

Vir die onderwyser: Die volgende paragraaf (in rooi) kan behandel word as daar genoeg tyd is in die klas, anders kan daar na die volgende paragraaf gespring word:

Maar die mens bestaan nie net uit 'n LIGGAAM (grond) nie, 

maar het ook 'n siel (wat soos saad/plant/boom voorgestel kan word),

en het ook 'n gees... (wat soos lig voorgestel kan word).  

Die mens bestaan uit LIGGAAM (grond), SIEL (saad/plant/boom) en GEES (lig)(1 Thess. 5:23). Die siel vd mens kan gesien word soos saad of plant wat in ons grond (in ons liggame) geplant word, wat GROEI soos 'n boom en later VRUG dra (in Matt. 13 word die mens bv. voorgestel soos saad wat in die wereld geplant word). Hierdie saadjie wat binne-in die liggaam geplant word word gewoonlik na verwys as "siel" (bv., in sommige skrifte word daar na die mens verwys as "liggaam en siel"-Matt. 10:28; Ps. 31:10), maar somtyds word daar ook na siel verwys as "gees" - in elke mens se binneste word 'n gees gevorm ("die gees vd mens"), wat groei en vrug dra (en let wel dat dit nie moontlik is sonder asem (gees/lig) nie)!, want net soos 'n plant lig nodig het om te kan lewe, net so het die siel vd mens lig of ASEM nodig om te kan lewe (en wanneer die Here die asem wat Hy gee terugtrek, gaan die mens dood). 

Die mens se liggaam verwys na die VLEIS EN BENE, maar die woord "liggaam" verwys eintlik na baie meer as dit in verskillende kontekste! ;  bv., familie, werke, voedsel, die self, klere, en naaktheid (vir 'n studie vir die onderwyser oor die Hebr. woord vir liggaam en hierdie betekenisse in konteks, gaan na:https://warechristene.blogspot.com/2019/05/die-liggaam.html). Die liggaam is maw ook iets wat kan aandui uit watter familie jy gebore is... (die term wat veral in die Skrif daarvoor gebruik word, is "vlees en been" - dna, ens.);  en kan ook verwys na wat die liggaam nodig het om aan die lewe te bly... nl. kos (en water); of verwys na die feit dat ons naak is en bedekking nodig het..., nl. klere, ens.  

Lees 1 Kor. 15:39-40. 

Daar is baie soorte lewende wesens, nie net mense, diere, voels en visse op aarde nie, maar ook ander wesens bo en onder die aarde - en almal het verskillende soorte liggame... - Wat beteken dit? Ons het gesien dat die woord "liggaam" baie betekenisse het en dit beskryf dus ook die verskil tussen verskillende soorte liggame;  bv., verskillende wesens stel verskillende "families" voor, verskillende wesens eet verskillende voedsels, verskillende wesens het nie dieselfde bedekking nie, ens. 

-Die mens se liggaam is bv. anders as diere se liggame; (as daar tyd is in die klas kan hieroor gesels word); 

-Die mens se liggaam is anders as engele se liggame... (of daar kan miskien eerder hieroor gesels word... - vir 'n studie oor engele, vir die onderwyser, gaan na: https://warechristene.blogspot.com/2018/06/engele.html). 

-En die natuurlike liggaam (waarin ons gebore is) is anders as die geestelike liggaam (wat vir weergeborenes belowe word, wat hulle eendag sal kry in die opstanding)(hierdie is nog 'n vb. wat gebruik kan word om te gesels oor verskillende soorte liggame... In hierdie geval kan daar dan gesels word oor die geestelike liggaam waarin Jesus opgestaan het uit die dood, of die liggaam waarin ons eendag in opgewek gaan word, nl. "verheerlikte liggame". Vir 'n studie oor hierdie soort liggaam, gaan na: https://warechristene.blogspot.com/2017/11/verheerliktegeestelikeonverganklike.html)(vir die onderwyser:  -let wel dat die verskil tussen die natuurlike liggaam en die geestelike liggaam ook behandel word in LES 2 van hierdie reeks lesse). 

- Nog 'n voorbeeld van ander soort wesens is die 4 lewende wesens bo in die hemel ( ...of hierdie vb. kan miskien gebruik word - die skrif kan voorgelees word in die klas - hierdie wesens is baie interessant!, rondom en in die middel van God se troon is daar 4 lewende wesens vol oë van voor en van agter, elkeen het 6 vlerke, en rondom en binne vol oë) (die 1ste lewende wese lyk soos 'n leeu, die 2de soos 'n kalf, die 3de het 'n gesig soos 'n mens, en die 4de is soos 'n arend wat vlieg... )(Openb. 4:6-8).

-----------------------------------------------------------------------------------------------------------------------------

Studies vir die onderwyser:

- https://warechristene.blogspot.com/2019/05/die-liggaam.html

- https://warechristenedagstukkies.blogspot.com/2021/12/algemene-vrae-oor-saligheid-lewe-of-dood.html

- https://warechristene.blogspot.com/2018/06/dorings-en-distels-braak-vir-julle-n.html

- https://warechristenedagstukkies.blogspot.com/2017/07/die-here-se-wingerd.html